—           Эверест Чилел алай дагъларикай виридалайни кьакьанди тирди вирибуруз малум я. Адан кьакьанвилел 8848 метр ала.

—           И дагъдал Эверест тIвар геодезист Жорж Эверестан гьуьрметдай акьалтна. Дагъдал кьвед лагьай тIварни ала — Джомолунгма.

—           Эверест Тибетдинни Непалдин часпардал ала.

• Непалдинни Тибетдин гзаф агьалийри Эверест пак дагъ яз гьисабзава.

—           Эверестдиз хкаж жедай 18 маршрут ава, амма бязибурай исятдани са касни акьахнавач.

—           Эверестдал хкаж хьунин алахъунар сифте яз 1921-йисуз авунай.

—           1924-йисуз Эверестдал хкаж жез кIан хьайи эк­спедициядай 13 кас кьена. Абурун арада гел галачиз ква­хьай кьведни ава. Квахьайбурувай дагъдин кукIуш­дал кьван хкаж жез хьанани, хьаначни, къени малумсуз яз амукьнава.

—           Эверест альпинистри (Тенцинг Норгей, Эдмунд Хиллари) сифте яз 1953-йисан 29-майдиз муьтIуь­гъарна.

—           Эверест виридалайни кьакьанди ятIани, виридалайни хаталуди туш.

—           1974-йисалай инихъ Эверестдиз гьар йисуз альпинистар хкаж жезва.

—           И дагъдин кукIва хъуьтIуьн вахтунда аяз «-60» градусдив агакьда.

—           Са бязи чешмейри тестикьарзавайвал, 1924-2018-йисара Эверест дагъда 295 кас кьена.

«Лезги газет»