“Россельхозцентр” ФГБУ-дин Дагъустан Республикада авай филиалди тумарин ва цанвай чилера экъечIнавай къацарин ери ахтармишунин ва абуруз къимет гунин серенжемар кьиле тухвана акьалтIарнава, хабар гузва идарадин пресс-къуллугъди.
“Санлай къачурла, филиалдин къуллугъчийри республикадин 13 районда авай 35 майишатда цанвай чилерин гьал ахтармишна. Абурун арада Къизляр, Ногъай, Хасавюрт, Бабаюрт, Къизилюрт, Дербент, Къаякент, Буйнакский, Казбек, Сулейман-Стальский, Гуниб, Сергокъала, Къайтагъ районар ава”, — хабар гузва малуматда.
Россельхозцентради гьар йисуз тахминан 11 агъзур гектар чилера цанвай къуьл, мух ва прунз экъечIзавай жуьре ва и культурайрин тумарин ери лайихлуди ятIа, абуру чпин сортарин истемишунриз жаваб гузватIа ахтармишзава.
«Лезги газет»
