И йикъара Кострома шегьерда «Костромской спорт, туризм и отдых» газетдин призар къачун патал 9-сеферда яз азаддиз кьуршахар кьунай жегьилрин арада Вирироссиядин турнир кьиле фена.
«Лезги газетдиз» Сулейман-Стальский райондин администрациядин пресс-къуллугъди хабар гузвайвал, Халкьдин садвилин йикъаз талукьарнавай спортдин мярекатда Дагъустандин патай Сулейман-Стальский райондин Эминхуьряй тир Адам Гьамзатова иштиракна.
Гзаф шегьеррин, республикайрин жегьил спортсменри чпин викlегьвал, алакьунар, устадвал къалурна. Адам Гьамзатова 58 килограммдал кьван заланвал авайбурун арада 1-чка кьуна.
Къейд ийин, А.Гьамзатова Эминхуьруьн ДЮСШ-да тренер-насигьатчи Абдулнасир Мегьамедкеримован гъилик вердишвилерни чирвилер къачузва.
Къуй адахъ мадни чlехи агалкьунар хьурай!
«Лезги газет»
