30-январдиз Ахцегьрин кьилин библиотекадин залда Расул Гьамзатован 100 йисан юби­лейдиз талукь элкъвей столдихъ суьгьбет кьиле фена. Райондин культурадин управленидин ва библиотекадин коллективрин къуватралди тешкилай и мярекатда 30-далай гзаф ксари иштиракна. Залда шаирдин ктабрин, шикилрин, адакай машгьур инсанрин рикIел хкунрин махсус выставка ачухнавай.

Мярекат, сифте гаф рахуналди, ам тухузвайди тир Сулейман Сулейманова ачухна ва гаф культурадин управленидин начальник Къистер Гъание­вадиз га­на. Ада къейд авурвал, уьлкведин ва санлай инсани­ятдин культура вилик тухуник шаирди еке пай кутунвайди аннамишуналди, РФ-дин Президентди талукь тир къарар кьабулна, Гьамзатов неинки са Да­гъустанда, гьакI Россияда, дуьньяда вичелай чешне къачуниз лайихлу кье­тIен кас тирдакай лагьана.

Расул Гьамзатован уьмуьр­динни яратмишунрин рекьикай библиотекадин заведующий Аде­ля Агъаевади ва масабуру  чпин фикирар лагьана, шиирар кIелна, манияр лагьана.

Даш Алиев