Алай йисан сад лагьай паюна Дагъустанда аялар тежезвай 764 хизанди ЭКО-дикай менфят къачунва. Шазан сифтегьан ругуд вацрав гекъигайтIа, и рекъем ирид процентдин гзаф хьанва. “Лезги газетдиз” РД-дин здравоохраненидин министерстводин пресс-къуллугъди хабар гайивал, 2019-йисан эхирдалди ЭКО-дикай менфят къачудай хизанрин кьадар тахминан 1500 агакьда.
ОМС-дин куьмекдалди ЭКО авунвай хизанрин кьадарни артух хьанва. Эгер 2018-йисан сифте паюна и къайдада республикада 153 аял ханвайтIа, цIи абурун кьадар 9 бицIекдин артух хьанва.
РД-дин здравоохраненидин министр Жамалудин Гьажиибрагьимован гафаралди, ЭКО-дин игьтияж авай гзаф дагъустанвийривай менфят къачуз жедайвал, милли “Демография” проектдин сергьятра аваз республикадин хизандин сагъламвал хуьдай ва репродукциядин центрадин материально-технический база мягькемардай фикирар ава. Идалай гъейри, алай йисуз центрадин дараматни цIийикIа туькIуьр хъийида. Репродукциядин технологийрихъ галаз алакъалу отделенидин майдан авайдалай чIехи хъийида ва центрадиз герек къвезвай медицинадин цIийи тадаракарни маса къачуда.
Чи мухбир
