Квез чидани?

—           Джибути РагъэкъечIдай патан Африкадин гъвечIи (умуми майдан 23200 квадратный километр) уьлкве я.

—           Уьлкведа 887 агъзурдалай гзаф ксар яшамиш жезва.

—           И уьлкведин меркездин тIварни Джибути я.

—           Уьлкведин агьалийрин 76 процент меркезда яшамиш жезва.

—           20 асирдин юкьвара Джибутидал Французский Сомали тIвар алай.

—           Джибути кесиб уьлкве я. Анин чилин къатарикай хкатзавай хийирлу затI анжах киреж я.

—           СМИ-дин такьатар ва телевизионный студияяр асул гьисабдай вири меркезда ава.

—           Меркез туристрин фикир желбзавай кьилин шегьер я.

—           Джибути государстводи аслу туширвал 1977-йисуз къачуна. Бязибур ана алай вахтундани френг чIалал рахазва, амма гзафни-гзаф халкьдин арада араб чIал машгьур я. Ибурулайни гъейри, ана сомали чIални кардик ква.

—           Гьар йисуз Джибутидиз 10 агъзурралди туристар физва, абурун чIехи пай Франциядин агьалияр я.

—           Джибутидин агьалийрин 94 процент Ислам диндал амалзавайбур я.

—           Джибутида къушитрин “афар” тIвар алай халкьдин десте ава. Афарар гьакIни Эфиопияда, Эритреяда ава. Афарар афар (данакильский) чIалал рахазва.

—           Гьайванрикай Джибутида гзафни-гзаф гьар жуьре къушар, миргер, гепардар ва маймунар ава.

—           Джибутидин агьалийрикай саки пудай са паюниз кIелиз-кхьиз чизвач.

—           Хуьруьн майишатди уьлкведин умуми доходдин 3 процент тешкилзава.

—           И уьлкведин шегьеррин куьчейрин къерехра тротуарар авач. Яхдиз къекъвезвайбур хатасузвилелди таъмин туш.

«Лезги газет»