Президент В.Зеленский, гьикьван хьуй манасуз, гьахъсуз дявеяр? Язух дидейрин, жегьил чанарин, халкьарин рикIери вуч лугьузватIа?! ТахьайтIа, дидеди “чан бала” лагьай вахтар куь рикIелай фенва жал?
Дяве — фагьумсузвал, чапхунчивал, инсафсузвал, къирмишун я! Американи Европа чешне яз кьуна, гьа футфадал кьуру дамахар ийиз, жуван ватанэгьлияр, стха халкьар хайи-тахайдаз элкъуьрун, пайи-паяр авун, уьлкведа цIай-гум тун дуьз туш! Дишегьли, аял аквазмач. Вуч ажугъвилер я? Шумуд йис я дяве аваз, бес я, бе-ес! Халкьар гьелек хьанва, гьеле-ек!
Къилихриз зайиф, масадан чIала авай ата-бата, чир хьухь, кIвач галкIайвалди, къарагъ хъийидач, садни жедач ви гъил кьадай. Гьа рикIе сикI авай Байденани куь гъил кьадач. Жуьрэтлувал я Россиядин Президент В.В.Путинанди. Ам кьуршахар кьаз экъечIзавач квехъ галаз. Гьеле эхзава. Са меслят жагъурун, куьн хьтин няс кас гъавурда тун кьилин винизвал тирди чизва адаз. Ягъунар-кьиникьар, ивияр экъичунар тахьун, шегьерар-кIвалер, рекьер барбатI тахьун патал, инсандин чан, уьмуьр-яшайиш эвел чара тирди чиз, квехъ галаз меслятар ийизни алахънава. Аферин касдиз. Сагърай вич!
Вакай гьеле жегьилзамаз президент хьанва. Идалай еке бахт авани? Куьне кьвед лагьай бахтунихъ ялзаватIа? Яраб ам вучтин бахт ятIа?! Сагъламвал, халкьарин саламатвал я пачагьдин бахт.
Дяве ажугъвал, ажал я!
Нурудин Насруллаев
