23-майдиз ЦIийи Макьарин хуьре 30 йисан вилик мектеб акьалтIарайбурун гуьруьш кьиле фена. Гзаф йисарилай сад-садал гьалт хъувур абурун шадвилин кьадар авачир. Гуьруьшдал кIватI хьайибурун чIехи пай патарал яшамиш жезва, анра хизанар кутунва, карчивилел, гьукуматдин къуллугърал ва чпин майишатрал машгъул я.

Хайи хуьруьз абур Санкт-Петербургдай, Москвадай, Махачкъаладай, Твердай, Нижневартовскдай ва маса чкайрай хтанвай. Дустари чпин мярекатдиз, кьиле школадин виликан директор, писатель Мирземет Салманов аваз, чпиз тарсар гайи муаллимризни теклифнавай.

Хъсандаказ тешкилнавай мярекатдал гзаф хъсан рахунар хьана, хуш келимаяр, манияр ла­гьана, кьуьлер авуна. Санкт-Петербургда яшамиш жезвай Надим Абдулаева дустариз вичин цIийи шиирар кIелна. 30 йисалай санал кIватI хъхьай дустари хайи мектебдиз рикIел ала­мукьдай пишкеш гун кьетIна.

Мизамудин Магьмудов,

ЦIийи Макьар