Квез чидани?

—           Виш миллиондилайни гзаф инсанар рахазвай чIалар дуьньяда 30 ава. Абурук урус, ингилис, китай ва маса чIалар акатзава.

—           Дуьньяда саки 6500 кьван чIалар ава­тIани, абурукай 2000-далайни гзаф чIаларал ­рахазвайбурун  кьадар  1000  касдилайни  тIи­мил я.

—           Дуьньядин виридалайни гзаф чIалариз таржума авунвай ктабар кьвед ава: Инжил ва Мигель Сервантесан “Дон Кихот”.

—           Дуьньяда 400 чIал кьван рекьидайбурун жергеда ава — абурухъ гьар садахъ 50-дав агакьна сагьибар я амайди.

—           Исятда авай чIаларикай виридалайни къадимди китай чIал яз гьисабзава.

—           Лезги чIала кьве жуьреда кхьизвай гьа са гафарин кьадар 300-далайни алатнава.

—           Лезги ва хинди чIалара сад хьиз кхьизвай ва са манадин  гафар гзаф ава.

—           Лезги ва табасаран чIалар сад-садаз гзаф ухшар я.

—           Карамзина “промышленность” гаф туь­кIуьр­на, Салтыков-Щедрина — “мягкотелость”, Достоевскийди — “стушеваться”.

—           Урус чIала “бездарь” гаф кардик кутурди ша­ир Игорь Северянин я.

—           Урус чIалай чи чIалаз атай “музей” гафунин эвезда алим ва писатель Агьед Агъаева “ядигархана” гаф кардик кутуна.

—           Къадим Египетда машмашдиз “ракъинин кака” лугьузвай.

—           Гавайидин алфавитда анжах 12 гьарф ава.

—           Латин чIалай таржума авурла, “вирус” гафу­нин мана “зегьер” я.

Гьазурайди — К.Ферзалиев