Беларусь Республикадин Мин­ск шегьерда какахьай единоборстводай (ММА) 18-20 йис хьанвайбурун арада кьиле фейи чемпионатда Россиядин хкягъай командади командайрин арада 1-чка кьуна­.

И акъажунар кьиле физвай вахтунда чав шад хабар агакьна — чи ватанэгьли Кьурагьрин хуьряй тир Къурбанов Гьажиди ина 1-чка кьуналди, дуьньядин чемпионвилин тIвар къазанмишна.

Гьажи  и акъажунриз Псков ше­гьердин векил яз ф­е­на. Ада 61,2 кг-дин заланвал авайбурун арада бягьс чIу­­гу­на.

Гьажиди ММА-дин “Простория” клубда Хизри Юсупован гъилик  вердишвилер къачузва.

Гь.Къур­банова сентябрдин эхиррай Россиядин кIвенкIвечивал патал Великие Луки шегьерда жаванрин арада какахьай единоборстводай кьиле фейи акъажунра кIвенкIвечи чка кьуна ва РФ-дин спортдин мастервилин тIвар къачуна.

Гьажи Къурбановахъ  идалай кьулухъни агалкьунар хьун чи мурад я.

Дагъви Шериф