1.Гъуьлуьз муьтIуьгъ хьун.

Абу-Хурайради агакьарнавайвал, садра Пай­гъам­­бардивай  хабар кьуналда: “Виридалайни хъсан дишегьли гьим я?”. Ада жаваб гана: “Вичиз гъуьл ки­­лиг­­дайла, ам шадарзавайди, гъуьлуь са вуч ятIа­ни буй­ругъайла, адаз муьтIуьгъ жезвайди, гъуьлуьз папан са амал, я тахьайтIа, ада эменни серфзавай къайда хуш туширла, итимдиз акси акъваз тийиз­вайди”.

2.Гъуьлуьн вилик хивевай мажбурнамаяр рикIел хуьн.

“Эгер ада (Аллагьди) инсанрикай са низ ятIани масадаз икрам ая лагьанайтIа, папаз гъуьлуьз икрам­ авунин буйругъ гудай, гьикI лагьайтIа, гъуьлуьн вилик­ адан хивевай мажбурнама чIехиди я”. (Бухари).

3.Гъуьлуьн кефи тахун.

“И дуьньяда папа вичин гъуьлуьн кефи хаз­вай­ла­, ам дертлу ийизвайла, Женнетда адан кьисметдиз къве­дай гьуьруьйри икI лугьузва: “Вун Аллагьди терг авурай, ам вахъ галаз вахтуналди яшамиш жезва. Мукь­вара ам вавай къакъатда ва чи патав хкведа”. (Тирмизи).

4.КIвал, къул хуьн.

“Жуван гъуьлуьн кIвал хуьнин жигьетдай папан хиве еке жавабдарвал ава ва и кардин патахъай адавай хабарни кьада”. (Бухари).

5.Сир масадаз ачух тавун.

“Къияматдин юкъуз Аллагьдин вилик ви­ридалайни агъуз, усал тирбур ибур я: вичин папахъ галаз сад жезвай, вичин гъуьлуьхъ галаз сад жезвай ва гуьгъуьнлай сада-садан сирер ­масабуруз ачухзавай итимни дишегьли”. (Муслим).

6.Хъуьтуьлвал малумарун.

“Гьакъикъатда хъуьтуьлвили безетмишзава, ам авачирла айиб гъизва, кьацIурзава”.

7.Гъуьл къвалав хьунал шадвал авун.

“Аллагьдиз чпин гъуьлер патал мегьрибан тир чара итимривай садавайни муьтIуьгъариз те­жедай къелеяр хьиз мягькем дишегьлияр хуш я”.

8.Гъуьлуьн разивал къазанмишиз алахъун.

“Вичелай и дуьньяда гъуьл рази хьайи гьар са дишегьли женнетдиз фида”.

9.Гъуьлуьв эгечIдай тегьер жагъурун.

“Эгер гъуьлуьз папакай хъел аватIа, Аллагьди ахьтин дишегьлидин дуьа кьабулзавач ва адан къени крар цавариз хкаж жезвач”. (Ибн Хиббан).

“Islam-Today” сайтдай