«Дагъустан» РИА-ди хабар гузвайвал, кьве аял къутармишдайла, дагъустанви вич гьуьле батмиш хьана. Чешмеди кхьизвайвал, жегьил итимдивай са аял къутармишиз хьана, кьвед лагьайди – ваъ.

Мусибатдин вакъиа и йикъарар Махачкъала шегьердиз мукьва авай «Дельфин» тlвар алай ял ядай базадин сергьятра кьиле фена.

Агьвалат чпин вилералди акурбуру ихтилатзавайвал. Лепеди кьве аял тухуз акурла, абур къутармишун патал Ислам Алтавова тадиз гьуьлуьз гьерекатна. Сад гьуьлуьн къерехдал хканат1ани, муькуь аял хкиз хьанач ва вични батмишна.

Ислам Алтавов реанимацияда чан гана.

Гьайиф хьи, 24-июлдиз Дербент райондин Хазар хуьруьз мукьва авай пляждални бедбахтвилин дуьшуьш арадал атана: са юкъуз вад кас батмиш хьана. Абурукай кьуд кас — са итимни пуд аял — Хасавюрт райондин Къурушрин хуьряй я.

«Лезги газет»