5-январдиз Дербент райондин администрацияда Украинада кьиле физвай махсус военный серенжемда телеф хьайи матросдин хизандив “Жуьрэтлувиляй” орден вахкуниз талукьарнавай мярекат кьиле фена.
Агълабрин хуьряй тир Эдгар Эскендерович Абдуллаев, вичин хиве авай везифаяр кьилиз акъуддайла, телеф хьана. Дербент райондин, Дербент ва Дагъустандин Огни шегьеррин военный комиссар Фарид Мусаева Президент В.В.Путинан Указдалди матросдиз кьейидалай кьулухъ “Жуьрэтлувиляй” орден ганвай къарар кIелна.
Райондин администрациядин кьил Мавсум Рагьимова орден кьегьалдин дидедив вахкана.
М.Рагьимова аскердин дидедиз башсагълугъвал гана ва райондин администрация Эдгар Абдуллаеван хизандиз куьмекар гуз гьазур тирдакай лагьана.
Къагьриман Ибрагьимов
