Чаз кхьизва

“Лезги газет” гьамиша дидед чIалан къайгъуда хьана ва исятдани адаз къаюмвал ийизва. ГьикI хьи, ам лезги вири нугъатрин ве­килар гъавурда акьадай куьре нугъатдин гуьне рахунрин бинедаллаз акъатзава. Мадни акI лугьуз жеда хьи, чи милли эдебиятдин чIалан юкьван тар тир а нугъатдиз газет турни хьана, къалханни.

АкI хьаначиртIа, уьлкве чкIайдалай кьулухъ чи чIалан кьилел хайи къванерикай ва адал иличиз хьайи чиркин ятарикай чIал лазим дунда хуьз хьун намумкин тир. Са шакни алачиз лугьуз жеда хьи, а кIвалах коллективдин кьилин агалкьун хьана. И фикирдиз къуват яз, чавай “Лезги газетди” чIалаз талукь яз алимрин, муаллимрин, газетдин векилрин макъалаяр, теклифар, веревирдер, фикирар къалуриз жеда. ЧIалан гуьрчегвал, фасагьат­вал, къешенгвал, адаз авай халкьдин кIанивал мягькемдиз хуьнин карда “Лезги газет” къизилдин къадакьдиз элкъвенва! Им, гьелбетда, вирида: халкьди, хайи чили, тIебиатди, несилри­ ва чIала вичи — дамах ийидай аманат хьиз я. Заз чиз, кьве ри­­кIин хьана, и фикир инкар ийидай кас жедач…

Абдул  Ашурагъаев, 

Дагъустандин лайихлу муаллим,

М.Гьажиеван тIварунихъ галай премиядин лауреат