ЦIийи ктаб
Дагъустандин ктабрин чапханада журналист, писатель Нариман Ибрагьимован гьикаятдин «Душмандин руш» тIвар алаз нубатдин ктаб чапдай акъатнава. Ана «Санал кIелайбур» повесть, эхиримжи йисара кхьенвай хейлин гьикаяяр, публицистикадин материалар ва автордикай куьруь макъала гьатнава.
Милли чIалан девлетдикай гъавурда аваз менфят къачуна, теснифнавай эсерра чи уьлкведин, обществодин уьмуьрда, инсанрин руьгьда, къанажагъда, яшайишда арадал атанвай аламатдин дегишвилерикай суьгьбетзава, хабарсуз ва я хабар аваз гьа дегишвилерин парцик, таъсирдик акатай инсанрин, санлай къачурла, алай девирдин къамат чIугунва.
Чна писателдиз цIийи ктаб мубаракзава ва адавай маналу цIийи эсерар мадни гуьзетзава.
А. Омаров
