“Дачайрин амнистия” 2022-йисан 1-мартдалди давамарун мумкин я, хабар гузва уьлкведин СМИ-ри. Закондик ихьтин дегишвилер кухтунин проект Госдумадиз РФ-дин Государстводин Думадин эцигунрин ва законодательстводин рекьяй Комитетдин председатель Павел Крашенинникова теклифнава. Ада “дачайрин амнистия” къуватда жедай вахт давамарун ва ам авайдалай къулайди авун теклифзава.
“Дачайрин амнистия” тIвар чилин участокар ва шегьеррин къерехра авай эменни хсусиятдиз къачунин кьезиларнавай къайдадиз ганва. РикIел хкин, “дачайрин амнистия” кардик кваз тахминан 13 йис хьана.
Хсусиятчивилин ихтиярар регистрация авунин кьезил къайдадикай яшайишдин кIвалерин, дачайрин, гьамамрин, гаражрин ва маса дараматрин иесийри менфят къачуна. И вахтунда юзан тийизвай эменнидиз талукь 13,5 миллиондилай гзаф объектар хсусиятдиз регистрация авунва.
«Лезги газет»
