2019-йисан 31-майдилай гзаф аялар авай хизанривай уьлкведин къенепата июнь-июль варцара поездрин купедин вагонра аваз фидай билетар 20 процентдин кьезилвал (ам 10 йисалай 17 йисалди яшда авай аялриз ва чIехибуруз талукь я) аваз маса къачуз жеда, хабар гузва РД-дин транспортдин ва рекьерин майишатдин министерстводи. Гьа са вахтунда 5 йисалай гъвечIи яшда авай аялривай пул къачудач (эгер аялди кьилди чка кьазвачтIа), 5 йисалай 10 йисав агакьдалди яшда авай аялриз билетар махсус (аялрин) тарифдай маса гуда.
Кьезилвал авай билетар, хабар гузвайвал, анжах “Федеральный пассажиррин компания” АО-дин кассайрай, гзаф аялар авай хизандай тирди тестикьарзавай шагьадатнама къалуруналди, маса къачуз жеда.
«Лезги газет»
