Спортдин ва женгинин самбодай Россиядин ФСИН-дин территориальный къурулушрин ва образованидин идарайрин къуллугъчийрин арада кьиле фейи чемпионатда Дагъустандин векилар тафаватлу хьана.
Московский областдин Одинцово шегьердин спортдинни сагъарунин “Горизонт” центрада кьиле фейи и акъажунра уьлкведин 66 региондай атанвай 600-далай гзаф спортсменри иштиракна. Махсус чемпионатдин сергьятра аваз 57 кг-дилай ва 100 кг-дилай виниз заланвал авай итимрин, гьакIни 48 кг-дилай ва 80 кг-дилай залан дишегьлийри кьве разделдай — спортдин самбодай ва женгинин самбодай къуватар алцумна.
Управленидин пресс-къуллугъди хабар гузвайвал, 100 кг-дал къведалди заланвал авайбурун арада виридалайни хъсан нетижа къенепатан къуллугъдин ст. лейтенант Хайбула Мегьамедова къалурна. 90 кг-дал къведалди заланвал авайбурун арада пуд лагьай чка къенепатан къуллугъдин ст. лейтенант Аслан Къурбанова кьуна. Женгинин самбодай 68-кг-дилай кьезилбурун юкьва къенепатан къуллугъдин ст. лейтенант Арсен Мутачева 1-чка къазанмишна. Ибур ФСИН-дин РД-да авай управленидин “Орёл” тIвар алай махсус отделдин къуллугъчияр я.
57 кг-дилай кьезилбурун арада пуд лагьай чка къенепатан къуллугъдин лейтенант, 1-СИЗО-дин къуллугъчи Мегьамед Расулова кьуна.
Командайрин арада ФСИН-дин Дагъустан Республикада авай управленидин дестеди 9-чка къазанмишна.
Дагъви Шериф
