25-январдиз Дагъустандин Кьил Сергей Меликова дагъустанвийрик къалабулух кутазвай суалриз ачух эфирдин куьмекдалди жавабар гуда. Идакай “Лезги газетдиз” РД-дин Кьилин пресс-къуллугъди хабар гана.
Республикадин регьбердиз гьар са дагъустанвидивай суал гуз жеда. И кар авун патал телефондин 7(8722) 98-90-74 нумрадиз зенг ийиз ва я www.voprosmelikovu.ru. порталдикай (кIвалахдай йикъара экуьнин сятдин 9-далай нянин 6-далди) менфят къачуз жеда.
“Экономикадиз, ЖКХ-диз, яшайишдин хилез, Украинада кьиле физвай махсус серенжемда иштиракзавайбурун хизанриз гузвай куьмекриз талукь хейлин суалар жедайди заз чизва. Зун абуруз гьахълудаказ жавабар гуз гьазур я. Ачух эфир республикадин телеканалраваз зи телеграм-каналда кардик кутада”, — кхьена Сергей Меликова вичин телеграм-каналда.
«Лезги газет»
