И йикъара кIелзавайбурал, ЦIийи йисан савкьват яз, бажарагълу писатель ва чIалан муаллим  Нажмудин  Шихнабиеван  шииррин “Зун рикI я” сад лагьай ктаб агакьна. Ам чи районда кардик квай “Куьредин ярар” общественный культурадин центрадин компьютеррин ба­зада чапдай акъуднава.

И кIва­тIалдин автордикай куьруь гафуна кхьизвайвал, Нажмудин Шихнабиев лезги литературадиз ала­тай асирдин 70-йисара атана. Вичин хсуси хатI авай писателдин гъи­ликай гьикаятдин “Куьредин билбил”, “Ме­хъер”, “Уьмуьрдин декьикьаяр”, “Куьреда аламатар”, “Хкя­гъай эсерар”, “Большевик” ктабар хкатнава. Абур кIелза­вай­буру еке хушвилелди кьабулнай.

Гьеле школада, ДГУ-да кIел­завай йисарилай шиирарни кхьиз хьайи Н. Шихнабиева ЦIийи йисан суварин вилик кIелдайбурал вичин шииррин сифтегьан кIва­тIал агакьарнава. Рангунин жилдер алаз акъуднавай и ктабда 45 шиир (абурукай саки са пай манияр я) гьатнава.

ЦIийи ктаб мубарак авунихъ галаз санал чаз авторди шииратдиз къачунвай сифтегьан кам бегьерлуди ва къадимлуди хьана кIанзава.

Абидин Камилов