Дагъустандин Кьилин везифаяр вахтуналди тамамарзавай Сергей Меликов 31-октябрдиз Дагъустан Республикадин арадал къвезвай гьаларай кьил акъуддай центрадиз фена, ина ам РД-да авай Россиядин МЧС-дин четин гьалар идара ийидай Кьилин управленидин Центрадин ва МВД-дин ГИБДД-дин автофиксациядин рекьяй административный къайдаяр чIурунай “РД-дин 112 къуллугъ” ГКУ-дин кIвалахдихъ галаз таниш хьана.
Ина 2021-2023-йисара эцигун пландик кутунвай къутармишунардайбурун реабилитациядин центр презентация авуниз талукь совещание кьиле фена.
Сергей Меликова гьакIни муниципальный тешкилатрин Сад тир дежурныйринни диспетчеррин векилрин, цIаяр хкадардайбурун гарнизонрин начальникрин, гьа гьисабдай яз цIийи коронавирусдин тIугъвал чукIунин вилик пад кьун патал тухузвай кIвалахдин гьакъиндай докладрихъ яб акална.
Мярекатдин сергьятра аваз ЕДДС-дин векилри Какамахи хуьре маларик сибирдин язва азар акатунихъ галаз алакъалу яз Къарабудахкент районда арадал атанвай гьалдикайни хабар гана.
Сергей Меликова Дагъустан Республикада арадал къвезвай гьаларай кьил акъуддай центрадин мумкинвилериз еке къимет ва адан кIвалах мадни вилик тухун патал буйругъар гана.
С.Меликовахъ РД-дин Кьилин ва Гьукуматдин Администрациядин Кьил Владимир Иванов, РД-дин Гьукуматдин Председателдин заместитель Рамазан Жафаров, РД-да авай Россиядин МЧС-дин ГУ-дин начальник Нариман Къазимегьамедов галай.
«Лезги газет»
