Электронный къайдада духтурханада нубатда акъвазунин артуханвал квекай ибарат я?

1. Вахт кьенят хьун. Квевай жуваз кIани вахтунда, кIваляй ва я тахьайтIа офисдай экъечI тавуна, духтурханада нубатда акъвазиз жеда. И дуьшуьшда квез рекьиз экъечIдай ва я та­хьай­тIа яргъалди нубатда акъваздай, чкадал анкетаяр ацIурдай лазимвал амукьдач.
2. Къулайвал. Квевай жуваз кIани вахт, югъ ва гьакIни квез герек духтур хкягъиз жеда. И кар кьилиз акъудун патал квевай духтуррин расписанидиз килигиз ва азад вахт гьим ятIа, чириз жеда.
3. Кар фад кьилиз акъудун. Духтурди кьабулун патал нубатда акъваздай къейд авуниз куьне серфдайди анжах са шумуд декьикьа я. И карда квез кIанзавайди анжах махсус приложенидикай ва я тахьайтIа порталдикай менфят къачуз чир хьун я.
4. Къуллугъ авунин ери хъсанарун. Электронный къайдада тайин са духтурдин патав фин патал нубат кьуни поликлиникадиз чпин кар хъсандиз тешкилдай ва къуллугъдин ери хъсанардай мумкинвални гузва.

Герек духтурдин патав фин патал электронный къайдада нубатда гьикI акъвазда?

1. “Госуслуги” сайтда ва я тахьайтIа “К-врачу” порталда гьахьда­.
2. ЕПГУ-да (Единый портал государственных и муници­пальных услуг) “Здоровье” тIвар алай пай (раздел) ва я тахьайтIа “К-вра­чу” мобильный приложенида “Записаться к врачу” пай жа­гъур­­да.
3. Жуван рекъемар кхьиналди, анкета ацIурда ва ана квез кIани югъни вахт (сят) къалурда, духтур хкяда.
4. Жуван нубат (запись) тестикьарда.
5. Куьн нубатда акъвазнавайди тестикь хьанвайвилин гьа­къин­дай махсус малумат къачуда.
6. Къалурнавай вахтунда духтурдин патав фида.

Гьазурайди — Муса Агьмедов