Дагъустандин здравоохраненидин министерстводин пресс-къуллугъди хабар гайивал, алатай йисуз республикадин духтурханайрив медицинадин 379 алат (оборудование) агакьна. Тек са Махачкъаладин 1-нумрадин клиникадин духтурханадин дамаррин (сосудистый) центрадиз махсус 45 алатни вини дережадин техникадин ангиограф чара авуна. Идакай “Дагъустандин экономика” телеграм-каналди хабар гузва.
РД-дин здравоохраненидин министр Т.Беляевадин гафаралди, республикадин онкоцентрадив медицинадин техникадин 20 уьлчме, медицинадин рекьяй тади куьмек агакьардай республикадин клиникадин ва Вишневскийдин тIварунихъ галай республикадин клиникадин духтурханайрив 2 МРТ-дин аппарат агакьарна.
Санлай къачурла, цIийиз ачухнавай ва ремонт хъувунвай ФАП-рин кьадар Дагъустанада 100-ев агакьнава, гьакIни онкологиядин азарар авайбуруз куьмек гудай амбулаториядин пуд центр кардик кутуна.
Гьазурайди — Муса Агьмедов
