—  РикIи фад-фад кIвалахиз (аритмия), нефес кьазвайла, водороддин перекисдин 10 стIалдиз хуьрекдин 2 тIу­ру­на авай яд яна, фу недалди вилик йи­къа пуд сеферда ишлемишда. Ахпа 3 юкъуз­ ял яна, сагъарунин курс башламиш хъийида. Ихьтин курс ри­кIин кIва­лах къайдадик акатдалди кьиле тухуда.

—  Адет яз, яшар хьанвай инсанар жалгъайрин тIалди гьелекда. Агъадихъ галай рецепт жалгъайрин тIал секинардай хъсан дарман я.

Аптекадай маса гузвай нашатыр­дин­ спирт ва скипидардин мазь (сад хьтин паяр) сад-садак какадарна, 5-6 стIал йод алава хъувуна, хъсандиз юзур­да. Ахпа ам тIазвай жалгъайривай гуьцIна, чими шарф алчукна, экуьналди­  тада. Сагъарунин вахт са гьафте я. ТIал се­­кин­ хьайила, процедураяр акъ­ва­зар­да­. Герек атайтIа, мад тикрар хъийи­да­.

—  Поджелудочный железадин кIва­лах къайдадикай хкатнавайла,    300 г пурнияр, 100 г зверобой сад-садак ка­кадарна, хуьрекдин са тIуруна авай къаришмадал са стаканда авай ргазвай яд илична,экуьналди термосда тада. Ахпа ам куьзна са йикъан  вахтун­да са шумуд сеферда хъвада. Сагъарунин вахт 2 гьафте я.

Кьил тIазвайла, гьар экуьнахъ  ичIи рикIелай са стаканда авай некIедин цIвегь хъун, гьакI нашатырный ва камфордин спиртдин къаришмадай (сад хьтин паяр) нефес чIугун меслят къалурзава.

Мадни кIвалин вечрен са кака стакандиз хана, ргазвай нек илична, хуькуьрна тадиз хъвада.

—  Хамуник  шуьтруь лекеяр квайла касторкади куьмек гуда. Йикъа 3-4 сеферда лекейривай касторкадин ягълу гуьцIайтIа, сифте абур экуь жеда. Ахпа са кьадар вахтундилай, лекеяр михьиз квахьда.

—  Хуквада хер авайла, чIухлум­пIар як регъведай машиндай авадарна, вирт (1:1) хуькуьрна, чими чкада эцигда. Ахпа са вацран вахтунда фу не­дал­ди вилик йикъа пуд сеферда хуьрекдин са тIуруна авайди ишлемишда.

—  Вилер галатнавайла, са гъапа авай пурнийрал 1,5 стаканда авай ргазвай яд илична тада, ахпа ам са тIимил къайи хьайила, чайдин тIуруна авай  вирт хуькуьрда. Экуьнахъ ва нянихъ и къаришмадай  жуна кьежирна,  20-25 декьикьада вилерал эцигда.

—  Кьил элкъвезвайла, михьнавай 300 г серг банкадиз вегьена, винелай ам ацIудалди эрекь илична, кьве гьафтедин вахтунда мичIи чкада эцигда. Ахпа йикъа  са сеферда и къаришмадин 20 стIал стакандин кьатIа авай не­кIедиз вегьена, хъвада. Са вацралай кьил элкъуьн ва кьил тIа хьун михьиз квахьда. И рецепт гзаф нетижалуди я.

—  Мекьи хьана, хур тIарзавайла, анардин мижедиз яд яна, ам гьалвадихъ галаз хъун  меслят къалурзава.

—  Серг гзаф азаррин дарман я. Ме­села, жигеррик  ракдин азар квайла, ам икI ишлемишда: 0,5 л банкадин са кьатIа авай регъвенвай серкинал банка ацIудалди вирт илична, 2 гьафтеда мичIи ва къайи чкада эцигда. Ахпа ам куьзна, холодильникда хуьда. Йи­къа 3-4 сеферда фу недалди вилик хуь­рекдин са тIуруна авайди (банкада авайди куьтягь жедалди) ишлемишда.

Азардин вилик пад кьун патал йикъа 2-3 силих регъвенвай серг ишлемишун гзаф хийирлу я.

—   Нерай нефес чIугваз тежезвайла, гайморитдин азар авайла, 300 г михьи авунвай серг як регъведай машиндай  авадарна, са литр  эрекь илична, 21 юкъуз вахт-вахтунда юзуриз, ми­чIи чкада эцигда. Алцифнавай михьи яд са къапуниз ичIирда, ахпа ам не­рин гьар са хилез 2-3 стIал вегьеда. Идалайни гъейри, хуьрекдин са тIуру­на авайди фу тIуьрда­лай гуьгъуьниз некIедихъ галаз хъвада.­

“Айболит” газетдай. 

Гьазурайди — Надият Велиева