“Лезги газетдиз” Мегьарамдхуьруьн райондин администрациядин пресс-къуллугъди хабар гайивал, алай йисан 12-сентябрдиз Мегьарамдхуьре “Ярагъ Мегьамед эфенди — Дагъустандин чIехи дамах” лишандик кваз мусурманрин машгьур шейх, алим, арифдар Ярагъ Мегьамедан экуь къаматдиз бахшнавай форум кьиле фида.

Мярекат экуьнин сятдин 11-даз гатIунда.

Форумдин тешкилатчийрин арада РД-дин милли сиясатдин ва динрин крарин рекьяй министерство, Мегьарамдхуьруьн райондин администрация ва Дагъустандин Муфтият ава.

Къейд ийин хьи, мярекатдихъ жемиятда ислягьвални архайинвал, миллетрин арада стхавални дуствал хуьнин, акьалтзавай несилриз эдебдинни ахлакьдин тербия гунин ва терроризмдин, экстремизмдин идеологиядиз аксивал къалурунин макьсадар ава.

Форумда ашкъи авай гьар са касдивай иштиракиз жеда.

«Лезги газет»