Багъиш Багъишев
(1929-2013)
Докъузпара райондин Усугъчай хуьре дидедиз хьайи ада гзаф йисара райондин «Социализмдин рехъ» ва «Дербентдин хабарар» газетрин редакторвиле кIвалахна. Тежрибалу журналист Багъиш Багъишев чаз сегьнедин са жерге эсеррин автор хьиз чида. Адан «Духтур Тевриз» (1978), «Дагълари эверзава» (1986) ва «Есирар» 1995) пьесаяр Лезги театрди сегьнеламишна.
Шагь-Исмаил Векилов
(1929-2004)
КцIар райондин ТIагьиржалрин хуьряй тир Ш.-И. Векилова хуьруьн школадилай кьулухъ Бакуда ФЗУ-да, гуьгъуьнлай партшколада кIелна. Гзаф йисара «АзНефть» карханада жавабдар къуллугъар тамамарна. Жегьил чIавалай эгечIна, ада шиирар кхьизвай. Абуруз дерин метлеб, устадвал, жанрайрин жуьреба-жуьревал хас я. Ш.-И. Векилов «Зи хайи хуьр» ктабдин автор я. Пенсиядиз экъечIайдалай кьулухъ ам Дербентда яшамиш хьана. И шегьердиз ада «Дербент» ва «Лезги меркез» шиирар бахшна.
