И йикъара Мегьарамдхуьруьн райондиз Чечнядай машгьур спортсменар, Россиядин спортдин устадар тир Майрбек Газапгьажиев, Тамерлан Казбеков ва абурун гъилик вердишвилер къачузвай, алакьунар авай спортсмен, 2018-йисан Европадин чемпион Изнаур Сааев мугьман хьана.
23-июлдиз Мегьарамдхуьруьн Советрин Игит Абас Исрафилован т1варунихъ галай 1-нумрадин ДЮСШ-дин спортдал рикl алайбур кlватl хьана. Мярекатдин сергьятра аваз къунши республикадин машгьур спортсменри Мегьарамдхуьруьн жаван дзюдоистриз мастер-классар къалурна. Тежрибалу муаллимрин тарсар Изнаур Сааевани раижна.
Мугьманри жегьил спортсменриз спортдал рик1ивайни машгъул хьун патал метлеблу суьгьбет авуна, чпи акъажунра къачур гъалибвилерикай ихтилатна. Жегьилри машгьур спортсменрин ихтилатриз гьвесдивди яб гана.
ДЮСШ-дин директор Тимур Исакьова, заместитель Марат Гьажиева, муаллим-тренер Тельман Халидова ва масабуру мугьманриз сагърай лагьана.
«Лезги газет»
