Какахьай женгерин машгьур пагьливан Ислам Мамедова 2-октябрдиз Bellator лигадин 286-турнирда нубатдин бягьс кьиле тухуда. Малум хьанвайвал, къурушви спортсмендихъ галаз америкави Ник Брауна къуватар алцумда.
Ислам Мамедова Eagle FC-дин турнирда кьиле тухвай эхиримжи бягьсина Зак Зэйнан винел гъалибвал къачунай. Россиядин машгьур спортсмен И.Мамедов пешекарвилин акъажунра 21 сеферда гъалиб хьана. Анжах кьве бягьс адан магълубвилелди акьалтIна.
«Лезги газет»
