“Газпром межрегионгаз Махачкъала” компанияди агьалийриз ишлемишнавай газдай хьанвай буржар ЦIийи йис алукьдалди арадай акъудуниз эвер гузва. Ишлемишнавай газдай буржар хьанвай муьштерийри алай йисан эхирдалди абур вахкун чарасуз я, тагькимарзава идаради.
РикIел хкин: ишлемишнавай газдин гьакъи гьар вацран 10 лагьай югъ алукьдалди гун чарасуз я. Газдин буржар кIватI хьанвай агьалийри абур тади гьалда вахкун лазим я. ГьикI лагьайтIа, гьикьван яргъалди абур туртIа, гьакьван четин гьалда гьатда гьам муьштери, гьамни газдалди таъминарзавай кархана.
ТIугъвалди агъавалзавай вахтунда азардин вилик пад кьун патал, гьакIни РФ-дин Минздравдин ва Роспотребнадзордин истемишунрал амал авуна, “Газпром межрегионгаз Махачкъала” компаниядин шегьерра ва районра авай абонентвилин пунктара, участокра рабочий кабинетар вахт-вахтунда михьзава, ана кIвалахзавай агьалийрин бедендин ифиндал гуьзчивал тухузва, дараматра гъилер чуьхуьдай санитайзерар эцигнава. Инриз атай агьалийриз медицинадин маскаяр алукIун теклифзава, яни компанияди агьалияр хаталу азардикай хуьн патал герек вири серенжемар кьабулнава.
Гьа са вахтунда “Газпром межрегионгаз Махачкъала” компанияди, эгер абонент идарадиз татана гьялиз жедай месэла ятIа, яргъал мензилда аваз алакъалу жедай къуллугърикай менфят къачун теклифзава.
Газдин гьакъи комиссия (винел хквезвай пул) ва учирар авачиз, гьакIни тIугъвал акатунин хаталувал екеди тир и девирда инсанрихъ галаз артухан алакъаяр тахьана, www.mkala-mrg.ru сайтда “Абонентдин хсуси кабинет” ачухна, я тахьайтIа телефонда ва я планшетда жедай “Мой ГАЗ” приложение ачухна, гуз жеда.
“Абонентдин хсуси кабинетда” касди идалай вилик гайи пулдин такьатрин гьакъиндай делилар ава, гьакIни ана кIватI хьанвай буржунин кьадар къалурнава. Нагъд пул галачир къайдада, яни телефондин, смартфондин ва я компьютердин куьмекдалди, вични комиссия (винел хквезвай пул) галачиз газдин гьакъи гудай мумкинвал “Сбербанк-онлайн” сервисди “ЖКХ-дин къуллугърин гьакъи гун” чина ачухзава.
Газдихъ галаз алакъалу гьахъ-гьисабриз талукь суалриз жавабар гун патал “Газпром межрегионгаз Махачкъала” ООО-дин “кузвай линиядин” пулсуз нумра кардик ква — 8-800-200-98-04. Компаниядин сайт — www.mkala-mrg.ru.
Гьуьрметлу абонентар! Буржар кIватI жедайвал ийимир ва гьакъидиз талукь гьахъ-гьисабар вахтунда ая!
«Лезги газет»
