И йикъара Сулейман-Стальский райондин КЦСОН-дин социальный кlвалахдин пешекарар тир Алфида Бабаевади, Замира шихкеримовади, социальный педагог Маизат Мамеевади волонтеррихъ галаз санал яшлу агьалийриз бегьер (ципицlар,  шуьмягъар) кlватl хъийиз куьмекна. 

Волонтеррин регьимлу крар инсанриз уьмуьрдин вири хилера гуьгьуллувилелди куьмекар гуникай ибарат я. Икl, чпин ашкъидалди волонтерар Эминхуьряй тир Межидоврин ва Сарухановрин хизанриз мугьман хьана. Вад касдикай ибарат тир волонтеррин дестеди сала авай шуьмягъринни ципицlрин вири бегьер кlватl хъувуна. КЦСОН-дин патай хизанриз недай продуктрин куьмекни гана. Яшлу агьалийри чпиз фикир гунай волонтеррин дестедиз сагърай лагьана.

«Лезги газет»