Алатай гьафтедин эхирра яргъал чIугур азардикди Дагъустандин Кьил Сергей Меликован уьмуьрдин юлдаш Галина Анатольевна Меликова рагьметдиз фена. Адан 63 йис тир.
Галина Анатольевнади вичин уьмуьр медицинадихъ галаз алакъалу авуна, ада военный духтур яз кIвалахзавай. 2007-йисуз Дагъустанда къанунсуздаказ яракьламиш хьанвай дестедихъ галаз кьиле фейи женгина адан хва Дмитрий Серков телеф хьана. Адан а чIавуз 25 йис тир. Д.Серковаз РФ-дин Президентдин Указдалди кьейидалай кьулухъ Россиядин Федерациядин Игит тIвар ганай.
Сергей ва Галина Меликоврин хизанда мад са хва чIехи хьана – Михаил.
Уьмуьрдин юлдаш рагьметдиз финихъ галаз алакъалу яз, Сергей Алимовичаз и йикъара гзафбуру башсагълугъвал гана. Абурун арада РФ-дин Гьукуматдин Председатель Михаил Мишустин, РФ-дин Федерациядин Советдин Председатель Валентина Матвиенко, РФ-дин Хатасузвилин Советдин Председателдин заместитель Дмитрий Медведев, РФ-дин Президентдин Администрациядин Руководителдин заместитель Мегьамедсалам Мегьамедов, СКФО-да РФ-дин Президентдин Векил Юрий Чайка, Госдумадин депутатар, маса регионрин кьилер, РД-дин Гьукуматдин Председатель Абдулмуслим Абдулмуслимов, РД-дин Халкьдин Собранидин Председатель Заур Аскендеров, РД-дин Государстводин секретарь Мегьамед-Султан Мегьамедов ва хейлин масабур ава.
«Лезги газетдин» редакциядин коллективдини Сергей Алимович Меликоваз уьмуьрдин юлдаш Галина Анатольевна Меликова рагьметдиз финихъ галаз алакъалу яз, дериндай хажалат чIугунивди, башсагълугъвал гузва.
