Квез чидани?

. Балугърин вири жуьрейрикай 96 процент кIарабар квайбурук акатзава, амайбур — чIахачIахдинбурук.

. Скат ва угорь электричество квай балугъар я.

. Угорь балугъдивай бедендай 550 вольтдин къуват авай электричество акъу­­диз жеда. Электричестводи и балугъ­диз гьам вичиз недай ем жагъурунин, гьамни вич йиртижи балугърикай хуьнин рекье куьмекзава.

. Аравана балугъ гьашаратар, къушар ва кьаркьулувар кьун патал гьатта цяйни экъечIзава.

. Амазонка виридалайни гзаф балугърин жуьреяр яшамиш жезвай вацI я.

. Дуьньяда виридалайни еке балугъ китдин жуьредин наха (акула) я. Адет яз, и балугъдин бедендин яргъивилел 11-12 метр жеда.

. Сом балугъдиз сарар авач лугьудай фикир малум я. Гьакъикъатда а балугърихъ сарар ава, амма абур сивин деринра «чуьнуьх хьанва».

. Виридалайни йигин балугъ парусник я. Адавай са сятда виш километрдилайни яргъаз сирнав ийиз жеда.

. Виридалайни хаталу йиртижи балугъ пиранья яз гьисабзава. Абуру чпиз ем жагъурун патал маса гьайванрал лужаралди гьужум ийида.

. Цин виридалайни деринра яшамиш жезвай балугъ бассогигас я.

. Анабас тIвар алай балугъ кьетIенди яз гьисабзава. Адавай тарариз акьахизни жезва, гьакIни адахъ гьам це, гьамни кьураматдал нефес къачудай алакьунар ава.

. Наха балугъдиз ахьтин кьетIенвал хас я хьи, адавай вичин бедендин ифин артухариз жезва. И алакьуни адаз лап къайи це уьмуьр давамардай мумкинвал гузва.

. Балугъ-къван ва бородавчатка зегьерлу балугъар я. Абуру кIасайтIа, жув жувавай квахьун, фалуж хьун, гьатта кьин мумкин я.

«Лезги газет»