Дагъустандин МВД-дин пресс-къуллугъди, госавтоинспекциядин делилрал асаслу яз, хабар гузвайвал, 20-майдилай 26-майдалди Дагъустандин мулкара арадал атай 39 авария тестикьарнава.
Рекьерал улакьар авария хьайи дуьшуьшрикди 4 кас телеф, 61 касдал, гьа жергедай яз 15 аялдал, жуьреба-жуьре хирер-кьацIар хьана.
МВД-ди, госавтоинспекцияди вири дагъустанвийриз, мугьманриз рекьера улакьар гьалунин къайдайрал амал авуниз эвер гузва. Къайдаяр чIур тавуни инсанар телефвилерикайни хасаратвилерикай хуьда.
«Лезги газет»
