3-августдиз стратегиядин проектрин агентстводин заседанидал и тешкилатдин кьил хкягъунин месэла веревирдна, хабар гузва АСП-дин пресс-къуллугъди.
Стратегиядин проектрин агентстводин генеральный директорвиле Бахтияр Магьмудов тайинарна.
Махачкъалада яшамиш жезвай Б.Магьмудован ери-бине Сулейман-Стальский райондай я. Ада Санкт-Петербургдин гьукуматдин ва Россиядин минюстдин къвалав гвай (Москва) Россиядин правовой академиядин юридический факультет куьтягьна. Бахтияр Магьмудов сиясатдин ва праводин хиляй гзаф кьадар олимпиадайрин, вирироссиядин, международный конференцийрин, конкурсрин гъалибчи ва лауреат я.
2014-йисалай 2020-йисалди ада РД-дин милли сиясатдин ва динрин крарин рекьяй министерствода отделдин начальникдин къуллугъдал кIвалахна, преподавателвални авуна.
Къейд ийин, стратегиядин проектрин агентство Россиядин коммерциядинди тушир унитарный тешкилат я. Ам жемият, бизнес, государство сад авунин макьсаддалди гегьенш проектар, яшайишни экономика, образование, меденият, спорт, туризм ва маса хилер вилик тухунин программаяр туькIуьрун, кьилиз акъудун ва абурун тереф хуьн патал арадал гъанва.
«Лезги газет»
