ТАСС-ди хабар гузвайвал, “Алай аямдин шегьердин шартIар арадал гъун” программадин сергьятра аваз Махачкъалада 12 багъ (сквер) авадан авунин кIвалахар кьиле тухудайвал я. И макьсадриз 63 миллион манат пул ахъайда.
Пулдин такьатар федеральный, республикадин ва муниципалитетдин бюджетрай чара ийида. Алай вахтунда тендер малумарнава. Аукцион 14-апрелдиз жедайвал я. Заказчик яз Махачкъала шегьердин администрациядин ЖКХ-дин управление экъечIнава. Аукционда гъалиб хьайи карханади алай йисан 2-октябрдалди Махачкъаладин 12 багъ авадан авуниз талукьарнавай кIвалахар кьиле тухвана акьалтIарун лазим я.
Къейд ийин хьи, винидихъ тIвар кьур программадин сергьятра аваз республикадин меркездин кьакьан мертебайрин кIвалерин гьаятарни авадан ийида. И макьсадриз 257 миллиондилай артух пул чара ийидайвал я.
«Лезги газет»
