РД-дин бюджетдиз налогар кIватIунин кар артухарунин макьсаддалди Мегьарамдхуьруьн районда АЗС-ар ахтармишунин серенжемар кьиле тухузва. Идакай «Лезги газетдиз» райадминистрациядин пресс-къуллугъди хабар гана.

Райондин кьил Фарид Агьмедован къарардал асаслу яз, АЗС-рай кура-кура гузвай затIариз талукь яз тешкиллувилин рейддин серенжемар тухун патал махсус комиссия арадал гъанва.

Тайинарнавай пландин бинедаллаз, вацран сифте кьилелай рабочий дестеди Мегьарамдхуьре, Гъепцегьрал, Ярагъ-Къазмайрал, Хъартас-Къазмайрал, Бут-Къазмайрал, Советский ва маса хуьрера тешкилай рейдрин сергьятра аваз 21 АЗС ахтармишна, абур налогрин органдин учетда авани, авачни тайинарна.

Малумарзавайвал, Мегьарамдхуьруьн райондин сергьятра вири санлай 21 АЗС ава, абурукай 2 АЗС Россиядин ФНС-дин Сулейман-Стальский районда авай МРИ-дин учетда ава, кьве АЗС-ди алай вахтунда кIвалах акъвазарнава. Операторрихъ галаз талукь тир зегьметдин икьрарар кутIунна, вири АЗС-ра кассадин аппаратар ва онлайн режим тайинарна. Комиссиядин дестеди МЧС-дин ва Роспотребнадзордин жигьетдай къайдаяр чIурнавай делиларни винел акъудна ва и татугайвилер арадай ахкъудун патал АЗС-рин сагьибриз тайин муьгьлет гана.

«Лезги газет»