И йикъара Кьурагьрин ДЮСШ-да Кьурагь райондин мектебра кIелзавайбурун арада азаддиз кьуршахар кьунай турнир кьиле фена. И гьакъиндай «Лезги газетдиз» райадминистрациядин пресс-къуллугъди хабар гузва.

РФ-дин къенепатан крарин органрин къуллугъчийрин йикъаз талукьарнавай акъажунар Кьурагьа цIи 7-сеферда яз райондин спортдин, жегьилрин крарин отделди ва ОМВД-ди тешкилна. 2002-2009-йисара дидедиз хьайибурукай цIинин йисуз турнирда 75 жегьил спортсменди, чпин заланвилин дережайриз килигна, иштиракна.

Гъалиб хьайибурни хъсан чкаяр кьурбур грамотайралди, медалралди ва пулдин пишкешралди къейдна.

«Лезги газет»