И мукьвара азаддаказ кьуршахар кьунай Азербайжандин Сержд шегьерда жегьил пагьливанрин международный турнир кьиле фена. Ана Ахцегьрин 2-нумрадин ДЮСШ-дин тренер, СССР-дин спортдин мастер Фейруз Садыхован гъилик вердишвилер къачузвай пагьливан Жабраил Гьажиевани (65 кг) сифте яз иштиракна. Пуд юкъуз давам хьайи къизгъин акъажунра, хъсан гьазурвал къалуруналди, ада 1-чка кьуналди, чемпионвилин тIвар къазанмишна. Чна пагьливандиз ва адан тренердиз и агалкьун мубаракзава.
* * *
2002-2004-йисара дидедиз хьанвай жаванрин арада азаддаказ кьуршахар кьунай СКФО-дин кIвенкIвечивал къазанмишун патал турнир кьиле фена. Ана А.Гъаниеван тIварунихъ галай спортшколадин пагьливан Али Къазиевани (110 кг) иштиракна. Финалдиз акъатнавайбурун арада ада 3-чка кьуна. Алай йисуз ада РД-дин кьуршахар кьунай хкянавай командадик кваз РФ-дин турнирда иштиракда. Умудзава хьи, Али Къазиевахъ и чIехи турнирдани агалкьунар жеда.
Рагьидин Эминов
