Аялар чи гележег я. Абур чIехи хьайила, гьар сад чпиз кIани ва алакьдай са пешедин иеси хьана­ кIанзава заз. И карни сифте нубатда абурун рикI хьунилай, алакьунрилай, пешени, фагьумна, дуьз хкягъунилай аслу жеда. Имни тIебии кар, адет я.

Аялри пешеяр­ гъвечIизамаз, яни гъве­чIи классра авайла хкягъиз хьанайтIа, хъсан тир. Ву­чиз? Гъве­чIи чIавуз рикI ацукьай пешедихъ­ абуру,­ чIе­хи хьайила, са куьнизни килиг тавуна, ялда. Ихь­тин къаст рикIе хьун патал заз аялрин фикир ихьтин са кардал желб ийиз кIан­зава. Гьар базардин йикъан нянин сятдин 8-даз 20-25 декьи­кьа кIвалахай­ла, Центральный теле­виденидин 1-каналдай Мак­сим Галкина тухузвай “Лучше всех” передача къалурзава. И передачада уьлкведин жуьреба-жуьре хуьрерайни шегьеррай къвезвай, гьар жуьредин алакьунар авай, чпи чпиз, алахъна­, са вуч ятIани чирзавай, мадни лагьайтIа, Аллагьдин патай чпиз пай ганвай, 3-10 йисалди яшара авай аялри иштиракзава. Абуру спортдай, географиядай, тарихдай, хуьрекар гьазурунай, музы­ка­дин алатар ягъунай ва маса гзаф алакьунар къа­лур­зава.

Гьахьтинбур, гьат­та абуралай артух алакьунар авайбурни чи би­цIекрин ва мектебра кIел­за­вай аялрин арадани авачиз туш. Бажарагълу а­ялар раиж­на кIанзава заз. Абуруз чпин алакьу­нар мадни ачухариз, гьарда вичел кIвалахиз, ви­лик­­ди тухуз куьмек гайитIа, хъсан жеда. И пе­реда­­­­чадиз килиг тийизвай, фикирда авачир аялрин рикIелни за ам гъизва. Килиг, гьуьрметлу ая­лар, и передача квез  итижлуни жеда, адакай хийирни хкатда.

Райсудин Набиев