РФ-да терроризмдин идеологиядиз аксивалунин серенжемрин план тамамарунин сергьятра аваз, и йикъара Докъузпара райондин прокурор Мисбагь Назиров, райондин АТК-дин векилар Миграгъ-Къазмайрин мектебда кIелзавай аялрихъ ва муаллимрихъ галаз гуьруьшмиш хьана.
Абуру терроризмдин вилик пад кьуниз талукь темадай муаллимрин дестедихъ галаз чирвал гунин семинар кьиле тухвана. Серенжемдин вахтунда кIелзавайбурал терроризмдиз аксивалунин гьакъиндай РФ-дин къанунра къалурнавай делилар агакьарунин кIвалах тешкилуниз талукь месэлаярни веревирдна.
Муаллимрихъ ва кIелзавайбурухъ элкъвена, хатасузвилин рекьяй райондин кьилин заместитель, АТК-дин векил Къазихан Мегьединова, прокурор Мисбагь Назирова метлеблу ихтилатар авуна, чIуру гьалар арадал атай дуьшуьшра жув гьикI тухун лазим ятIа, чирна; терроризмдин идеологиядин таъсирдик акат тавуниз эверна, гьамиша мукъаятвал квадар тавун тагькимна.
«Лезги газет»
