Мукьвара Калужский областдин Медын шегьерда универсальный бягьсерай (лайт) Европадин чемпионат кьиле фена. Санлай къачурла, ана са шумуд уьлкведай атанвай 150-дав агакьна спортсменри иштиракна. 90 килограммдин заланвилин категориядай, вад касдин винел гъалибвал къачуналди, инанмишвилелди 1-чка ери-бине Алидхуьряй тир Аслан Къурбанова кьуна. Ам къизилдин медалдиз, 1-дережадин дипломдиз лайихлу хьана.
Лагьана кIанда, Аслан Къурбанов универсальный бягьсерай пуд сеферда дуьньядин чемпион, дзюдодайни самбодай спортдин мастер, Вирироссиядинни международный чIехи турниррин чемпион ва призер я.
Чаз Аслан Къурбановахъ спортда мадни чIехи агалкьунар ва мягькем сагъламвал хьана кIанзава.
Хазран Кьасумов
