ЦIийи йисан вилик Дагъустандин Кьил Сергей Меликова Украинада кьиле физвай махсус серенжемда иштиракзавай хайи стхаяр тир Шамил ва Гьажимурад Абдурашидоврихъ галаз гуьруьш кьиле тухвана. Ана аскеррин командир Рамил Абдуллаевани иштиракна.

Суьгьбетарзавай чIавуз Сергей Меликова аскеррин сагъламвиликай хабар кьуна, абуруз Ватандин къуллугъда кьегьал­вилелди акъвазунай сагърай лагьана. Рес­пуб­ликадин Кьили абур хайи уьлкведин итижар хуьзвай вичин игит рухвайриз Да­гъустанди гьамиша куьмекар гудайдахъ инанмишарна.

Чпин нубатда аскерри Сергей Мели­коваз­ санал къуллугъзавай юлдашрин, вири командиррин патай сагърай лагьана. Чи рес­пуб­ликади СВО-да иштиракзавай дагъус­тан­­вийриз датIана куьмекар гузва. Идалай вилик абурун тIалабуналди серенжем кьиле физвай мулкуниз махсус трактор рекье тунвай.

Стхаяр Абдура­ши­­­до­вар военный ре­кьяй­ чирвилер къачун­вай ­пе­шекарар я. Гьа­жи­мурада — 2014, Ша­мила­ 2021-йисалай­ РФ-дин Яракьлу­ къу­ват­рин кьушунра­ къул­лугъ­за­ва. Ял ягъай­да­лай кьулухъ абур кьвед­ни СВО-диз хъфи­­дайвал я.

Лагьана кIанда, ас­кер­рин дидеди — Патимат Абдурашидовади —  РД-дин Гьукуматдин кIвале михьивилер ийидайди яз кIвалахиз къад йисалай гзаф я. Кьегьал аскеррин дидедиз вирида аферин лугьузва.

Агьмед  Магьмудов