Краснодар шегьерда кьезил атлетикадай школьникрин арада СКФО-дин ва ЮФО-дин кIвенкIвечивал патал акъажунар кьиле фена. Абура Дагъустандин хкянавай командадик кваз Ахцегь ДЮСШ-дин векилрини иштиракна.
Арина Гудаевади (тренер — спортдин мастер Абдурагьим Палчаев), пуд сефердин хкадарунай (тройной прыжок) — 11, 55 метр муьтIуьгъаруналди, гъалибвилин 1-чка ва 5, 21 метрдиз хкадарунайни 3-чка кьуна. Гила ада школьникрин арада РФ-дин кIвенкIвечивал патал акъажунра вичин устадвал къалурда.
Уьлкведин майданда хайи райондин ва вири республикадин таъсиб хуьзвай викIегь рушаз ва адан муаллим Абдурагьим Палчаеваз чна агалкьун рикIин сидкьидай мубаракзава. Арина Гудаевадикай Россиядин чемпион хьунихъ чун инанмиш я.
Дашдемир Шерифалиев
