Январдин эхирра Коми республикадин Ухта шегьерда кикбоксингдай республикадин чемпионат ва кIвенкIвечивал кьиле фе­на. Жаванрин арада кьиле фейи акъажунра и шегьерда диде-бубадихъ галаз яша­миш жезвай, 7-классда кIелза­вай, чпин ери-бине Белиждай тир  Амир  Назимович  Абдулгъаниевани  иш­тиракна. Шад же­дай кар ам я хьи, 13 йис яш хьанвайбурун арада (23 кас) ам вилик акъатна ва, финал­да гзаф баллар къазанмишуналди, кIвен­кIве­чи чкадиз лайихлу хьана.

Амира Россиядин спортдин мастер, тренер Ислам Абдулгъаниеван гъилик вердишвилер къачузва. Адаз боксдай, кикбоксингдай спортдин разрядар, гъу­таралди кукIунин спортдани агалкьунар ава.

Гъалибвал мубарак авуналди, чна умуд­зава хьи, жаван спортсмендихъ спорт­дин рекье мадни еке агалкьунар жеда.

Къагьриман Ибрагьимов