Докъузпара районда альпинизмдай кьиле тухвай Россиядин чемпионат куьтягь хьана. Къурушрин хуьруьн мулакара авай Яру дагъ муьтIуьгъарун патал Россиядин жуьреба-жуьре регионрай альпинистар атанвай. Акъажунар 3-февралдилай 16-февралдалди давам хьана.

Альпинистрин «Яру дагъ» базадал 15-февралдиз кьиле фейи, чемпионатдин нетижаяр кьунин шад мярекатда Докъузпара райондин кьил Абдурагьим Алискеровани иштиракна. Ада вири спортсменриз чухсагъул малумарна, агалкьунар хьайибур тебрикна.

Чемпионатдин нетижада Красноярский крайдин ва Омский областдин альпинистрин командаяр гъалиб хьана. Хабаровский ва Приморский крайдин командаяр гимишдин медалрин сагьибар хьана. Пуд лагьай чка Ингушетия республикадин альпинистрин командади кьуна. Чпин алакьунар Самарский, Нововсибирский областрин, Санкт-Петербургдин 1-2-командайрини къалурна. Санкт-Петербургдин 2-команда «Гъалибвилин къастунай» кубокдалди къейдна.

«Лезги газет»