И йикъара Дагъустандин милли журналистикадин  агъсакъал, РФ-дин ва РД-дин культурадин лайихлу работник, СССР-дин ва РФ-дин журналистрин Союздин член, вичин саки вири уьмуьр лезги, милли газетдиз бахш ийиз, публицист, жегьилрин насигьатчи яз, жемиятдин гзаф крарик — гьам газетдин редакцияда, гьам чи хуьрерани районра, вичин пай кутаз алакьай гьуьрметлу инсан Алаудин Халидович Гьамидован 85 йис тамам  жезва. Чна адаз юбилей рикIин сидкьидай тебрикзава:

Гьуьрметлуди, чи агъсакъал!

Рази я вун гайи йикъал,

Чал кьил чIугваз мукьвал-мукьвал,

Къвез-хъфизва тежез бейгьал.

 

Чириз гьардаз гьуьрмет-хатур,

Вине твазва камалдин нур,

Гьар са кар ви лап такабур.

Зайиф тахьуй гьич ви абур!

 

Мукьвал-мукьвал  къачу къелем,

Рахуриз хьухь чIалан алем,

Нагьахъ кардив ая верем,

КьежейтIани тандал перем.

 

Са виш йисуз давамра рехъ,

Лугьун тийиз, агатна мекь…

«Лезги газетдин» редакциядин коллектив