1-октябрдиз РД-дин Гьукуматдин Председатель Абдулмуслим Абдулмусли­мова Дагъустандиз Саудиядин Аравиядай атанвай делегациядин векилрихъ галаз гуьруьш кьиле тухвана. Ана къецепатан уьлкведин инвестицийрин­ ва стратегиядин амадагвилин рекьяй международный центрадин президент­, делегациядин кьил Ибрагьим Дахи Аль-Дахиди, Саудиядин Аравиядин жуьреба-жуьре компанийрин кьилевайбуру, Дагъустандин министрри ва РФ-дин къецепатан крарин министерстводин РД-да авай векилханадин кьили иштиракна.

Гуьруьшдал са жерге месэлаяр веревирдна. Асул фикир Дагъустандинни Сау­диядин Аравиядин арада яшайишдин ­жуь­реба-жуьре хилерай алакъаяр мягьке­маруниз гана. Ибрагьим Дахиди къейд авурвал, алай вахтунда Кеферпатан Кавказдин республикадай къецепатан уьлкведиз хуьруьн майишатдин суьрсет тухузва. Амма гележегда Саудиядин Аравиядиз Дагъларин уьл­кведихъ туризм вилик тухунин рекьяй авай мумкинвилерихъ галаз таниш жез, и хилез инвестицияр желб ийиз­, мугьманханаярни духтурханаяр эцигиз кIанзава.

Гуьгъуьнлай реги­он­дин министрри — Эмин Мерданова, Мух­тарбий Аджекова­, Жам­булат Салавова­, Низам Халилова — Да­­гъустандихъ туризм­дин, хуьруьн ма­йи­шат­­дин хилер вилик тухунин рекьяй авай мумкинвилерикай, рес­пуб­ликада тран­с­портдин­ни логистика­дин центраяр эцигуникай, промышленностдикай ихтилатарна.

Гуьруьшдин нетижада Дагъустандин «Центр поддержки экспорта» АНО-дини Сау­диядин Аравиядин инвестицийрин ва стратегиядин амадагвилин рекьяй международный центради инвестицийрин хиле амадагвилин алакъаяр мягькемаруниз талукьарнавай икьрардал къулар чIугуна.

Гегьеншдиз РД-дин Гьукуматдин сайтдай кIелиз жеда.

Чи  мухбир