“Лезги газетдиз” РД-дин Кьилин ва Гьукуматдин Администрациядин пресс-къуллугъди хабар гайивал, мукьвара Дагъустандин Кьилин везифаяр вахтуналди тамамарзавай Владимир Васильева Твердин областда кьиле фейи муниципальный тешкилатрин форумда иштиракна.
24-августдиз ам областдин губернатор Игорь Руденядихъ галаз гуьруьшмиш хьана. Регионрин кьилери Дагъустандинни Твердин областдин арада экономикадинни культурадин рекьяй алакъаяр мягькемарунин месэлаяр веревирдна.
Областдин гьукуматдин пресс-къуллугъдин делилралди, Тверди чи республикадиз промышленностдин карханайри акъудзавай экскаваторар, станокар, радиаторар ва маса шейэр агакьарзава.
Дагъустанди Твердин область майвайралдини емишралди таъминарзава. Гуьруьшдин сергьятра аваз регионрин кьилер туризмдиз, спортдиз, АПК-диз ва хуьруьн майишатдин хел патал пешекарар гьазуруниз талукь месэлайризни килигна.
Чи мухбир
