Виликдай чи лезги чилел Цуькверин, ПIинийрин суварар кьиле тухудай адетар авай. Гила вахтар масабур хьанва лугьудай ванер галукьзава чи япарихъ. Чи кьилел гьа са рагъ, гьа са варз гьамиша ала, абур дегиш хьанвач. Инсанар я дегиш хьанвайбур.
Гила чавай маса суварар тухвайтIа жеда хьи… Месела, Дагъустанда вири районрикай тек са Ахцегь райондай виридалайни пара алимар акъатнавайди ашкара я. Гьавиляй заз газетдин чинилай Ахцегь райондин кьил Абдул-Керим Палчаеваз, ам хайи райондихъ рикI кузвай кас тирвиляй, адак умуд кутуналди, гележегда Ахцегьа «Алимрин сувар» тешкилунин теклиф гуз кIанзава.
Алимрикай кьилдин ктабни акъудна, ихьтин сувар кьиле тухун хъсан адет жедай. Акьалтзавай несилар чи тарихдин чинриз гуьзгуьдай хьиз тамашдайвал.
Бикеханум Алибегова
