И йикъара Мегьарамдхуьруьн райондин Филерин хуьряй тир 98 йисан яшда авай зегьметдин ветеран Жалил Жалилова коронавирусдиз акси раб яна. Ада вичин вири районэгьлийризни залан тIугъвалдикай жув ва жуван багърияр хуьдай серенжем кьилиз акъудуниз эвер гузва.
Коронавирусдиз акси раб ягъун хаталу азардин аксина авай кьилин са рехъ тирди фикирда кьуналди, адакай менфят къачунва агъсакъалди. И раб ягъайдалай кьулухъ кьилиндини духтуррин меслятрал амал авун я.
ЧIехи яшарин инсанар коронавирусдин азардикай еке хаталувал авай дестедик акатзава. Гьаниз килигна пешекарри сифте нубатда абуруз рапар ягъун меслятзава. Инсандин беденда тамам иммунитет арадал атун патал 42-45 югъ лазим къвезвайди, идахъ галаз сад хьиз сифтегьан раб ягъайдалай кьулухъ лазим къайдайрал амал авун герек тирди рикIел хкизва.
Чи мухбир
